Kyawng kai k'hmaw gui lah ca m'thei ci gui naw Covid-19 i ah hlawi vai amawng

 Mindat manggo ung July k'ca 21 k'hnüp ung leng neh hta k'hmaw a m'shak kyawng kai law ba khai gui ci neh Mindat mango uk Pa Küi Näng naw na m'thein tu gui ci. Shin ah a mi kai law ba ung ma neh tan gha naw len khai cun toi ba ci tang k'ko cun kawn ah a k'hmaw tu ba gui m'kai ba gui vai ci neh pyein ci. 

 Tuhghü om ci ah Corona ah phäh ah kyawng kai k'hmaw gui a kum tä hlei ami kai nak mang ung kä kai ba ci gui ah kya ci. A tung pi ah kawng ami kai law ba ung a ya ung ka hlaw ah kä kya ba khai.

A m'shah khaw ngawi täng ah kai hlei a m'sha mü hnün täng ah kai khai gui. Khan ät ung a k'hmaw m'ku hti ah kai khai gui. A mi ng'thei yah ung ami m'gawng ami dawk nak ah Mask gui cuh nga mi ah phä ah kä ng'kyüm nak om khai ah kya ci nei ci neh phi pyein ci. A cun ah m'ghawng uk nak cuh Acoyah lah NGO gui naw ami peih tu ung ni tu pi khai ci neh phi pyein ci.