M’va gà k’kap lah AA Rakang gui ah ng’tuk ng’kah nak

Leimbai ca pigaw k'chang

    K’cho khaw Sami mang gaw pigaw Mihsa ung shin ah k’cha 14 k’hnüp ung leng neh AA Rakang gà k’kap la M’va gà k’kap ani ng’tuk nak ung pigaw k’om gui phi ami plawh tu gui ah kya ci. Cun ah ami ng’tuk nak cuh k’châ lüng law phyi cia kya ci. Ami ng’tuk nak ung  k’chang shing 21 phlän hleih shi pyi ca kya ci. Leimbai ci gui phi k’thum kip phlän law pyi ci. Leimbai ci gui ah k’chang gui cuh K’batu, Mindat la Mandalay sheiyung ah shei m’tui yah ci gui.

Gà kyaih neh dawng ci gui ah pigaw k’chang shing 2000 phlän ci. Gà kyaih k’dawng gui ami van Sami mang gaw ah ng’bum neh om yah ci gui. A cung ah AA Rakhang gà k'kap lah m'Va gà k'kap ami ng'tuk nak ung m'Va gà k'kap naw Mihsa pi gaw k'om gui ah ami im gui phi ami kah ci neh Misa pigaw ung ka Ko Zaw Min Soe naw pyein ci. 

Mindat mang gaw ung gawk law ci gui ah leim bai ci gui cuh Mindat k’om k’hmaw k’thoi gui lah Acoya bilo khawng mang ci gui naw vun vai neh m’htei ci gui. Misa pigaw lah Vawkmah pigaw ung ka tuhngawi a chüh law hlei Mindat unh gawpai leimbai ci gui k’chang shing 16  gawk law pyi ca kya ci.

K’cho khaw a dim gei vai mivan naw sushang neh mi k’tai gü kawm u.   

Add new comment

12 + 6 =