Mindat Covid-19 ah mawng lah FQ om ci gui ah mawng

K'cho khaw ung van naw mi ng'ngaih nak pi vai ah Covid-19 ah amawng gui ng'shi k'ca nak ung Gaigawng mawng wawnkyi hnün ung ka gui naw ami pyein k'chang shing k'thum cuh Mindat mang gaw ung om pyi ci. Ngami gui cuh a khaw hei ah theih ci gui ah kä kya neh Mindat ung om ci gui ah kya ci.

9/20/2020 k'hnüp ung Acoyah wawnkyi hnün ung ka gui naw ami hnuh ah kya ci. Ngami gui cuh Mindat Shei im ung om ci gui. 

9/22/2020 ung CNLD ka vai khawng mawng neh bi loi ci gui ah a ng'vai gui ni k'hmaw k'thoi gui ami van Facility Quarantine om yop ci gui. Van ah m'lung a üp vai ah phäh ah FQ ung hteih neh om ci gui ah kya ci. Ngami gui ah lhaw ah ahei NLD,UDP lah USDP cuh FQ ung kä om tuh ci gui. Mindat manggaw avan ung Party gui ami van hteih u neh thä hla ci gui ah phi kya k'ci.