Mindat Quarantine center ung bi lo ci gui naw ami ng'thei nak

Quarantine center ung om neh bilo tu ci gui ah Mindat manggo k'om gui naw online ung a i ah bilo neh m'htei m'hta gui vai ci ah amawng gui lah gopai ci ah k'chang gui aom ung a i ah m'htei vai ci ah a mawng gui ng'thei ng'tham nak bi ci gui. Cun ah ami bi nak cuh Mindat shei im ung bi ci gui. Cun ah mi kai nak ung k'chang shing ghalekk'hma law ci gui. Mindat ung Quarantine center k'phli law ci Natalah kyawng im k'hnih lah Shei im ung tumat, Catholic ng'bum im ung tumat ci ah aphäh phäh ah tha ci gui. Mindat manggo ung Corona virous om ci tumat law ci, a cun ah k'chang cuh Hakha shei im ah tha yah ci gui ah kya ci.