M'va ga-k'kap gui no a mi tuk-ah nak ung di-dam ci gui.

March k'cha a k'cheit k'hngüp (8), Karenni khaw, Demoso mang-go ung om ca pa-hta-yei im (religious buildings) gui cuh m'va ga-k'kap gui no (fighter jets) ung ka no bomb k'chak neh a mi m'di ah kyak ci.
Kayah khaw, Demoso mag-go ah maa mah ng'toi sisters of Reparation gui no a mi coh ah ghüi ng'vai lok ca maa mah gui ah a mi om nak ah im cuh March k'cha (10) k'hngüp, khaw ngoi täng ah m'va ga-k'kap gui no Lei-yin (fighter jets) ung ka no bomb m'kyek u hleih maa mah a ghi tumat Daw Ngan Kha cuh a k'nui ah lam bai ci ciah Loikaw diocese ung om ca Jesuit Bawiphaya Mireh no pyein ca kyak ci.
M'va ga-k'kap gui no a k'hngüp tä hleih tu-aat gui u hleih k'chang gui cuh a mi phon nak vai ah bung-hngu yung ah dong neh om ci gui ah kyak ci.
https://bit.ly/3hZKy5r