Papashangpughang Francis African ghuin khaw gui ah a teh-ton vai ah cüimong.

Papashangpughang Francis cuh January k'cha 31 ung ka no February k'cha 5 k'hngüp ah chüt ah 40th nak vai Apostolic Journey a teh-ton vai ah phäh ah Tuestay k'hngüp khawngoi täng ah Rome Mang-go ung ka no ng'düi khai ah kyak ci.
Papashangpughang Francis African ghuin khaw gui ung a teh vai ah a büiceng nak cuh "pilgrim of peace" ciah kyak ci.
A cun ah Democratic Republic of Congo (DRC) ghuin khaw lah the Republic of South Sudan ghuin khaw ah a teh vai cuh Papashangpughang no Nu Maria ah kuit ung m'ap ca kyak ci.
Tuh bäh Papashangpughang Francis Democratic Republic of Congo (DRC) ghuin khaw ah a teh vai cuh, 1985 kum kon ah a k'ma pi k'bäh ah Papashangpughang ah teh nak ah kyak ci.
Papashangpughang Francis cuh Democratic Republic of Congo (DRC) ghuin khaw ah January k'cha 31 ung ka no, February k'cha 3 k'hngüp gui ung teit khai ah kyak ci.
Democratic Republic of Congo (DRC) ghuin khaw ung k'chang gui 101.8 Million a mi om nak ung, 95.8 percent cuh Christian gui ah kya neh, 47.3 percent cuh Catholic pa-hta k'chang gui ah kyak ci.
A cun ah Democratic Republic of Congo (DRC) ghuin khaw ah a teh a ng'pyi ung, Papashangpughang Francis cuh South Sudan ghuin khaw ah February k'cha 5 k'hngüp ah chüt hleih teit khai ah kyak ci.
South Sudan ghuin khaw ung k'chang gui 10.9 million a mi om nak ung, 52 percent cuh Cathoolic pa-hta k'chang gui ah kyak ci caih Vatican cüimong no pein ca kyak ci.