Pope John Paul II a shih nak kum 15 be ci

  Tuhngawi cuh khaw m'dek k'khan k'om van naw mi yei nak mi m'hlüm m'tai ah Papa John paul II ah a shih nak ka khaw k'hngüp  ah kya ci. Pope John Paul II a shih nak kum 15 be law ci. 

Papah Shanpughang John Paul cuh Catholic htahtana phäh ah bi a k'da bi shüt cia kya ci. Catholic htahtana a bi nak ah pum ung Ghun khaw 129 ung htet hton neh bi lo hleih a ni cuh Papah Shangpughang gui ung htet hton neh bi bi lo tu pi ci ciah a ng'ming ng'thang ci ah kya ci. A cun ah kya hlei khaw m'dek khan k'om gui ami van naw ani cuh a k'tung pi ah yei kyai nak ci gui.

      Kum 2005 April k'cha 2nd ung  Papa John Paul II cuh khanpughi naw chü ba cia kya ci. Papa John paul naw kä shih pha ung a pyein ah k'chi m'kha cuh  " Pa k'khanpughi aw na ghui im khaw ah na hteh ei tu hlak ä " ci neih pyein ci.

 A cun ah pyein hlei k'chang gui naw ani cuh k'khanmawpi ah ng'däh neh gawk khai ci neh pyein man ci gui. Pope John Paul cuh April k'cha 8 k'hnüp ung len neh ami htüm ah kya ci. Khaw m'dek ah k'khan ah  k'chang htüm nak gui ung a ni ami htüm nak ung k'chang a k'da pi ah kya ci.

Ghun khaw k'tung 112 ung ka Htamata gui ni Pahta lam khawng mang ci gui lah k'chang k'hli naw Pope John Paul ami htüm nak ung htü hlei ci gui ah kya ci.

2015 April k'cha 27  k'hnüp ung Catholic Htahtana naw ani cuh Htithein ca k'chang k'bä gui ung ami m'hlüm m'daih ah kya ci.