Pughipa gui k'chang shing gha leng neh ghü ba khai gui

Mindat manggo ung om ca pughipa ghi ng'vai gui ami m'htei nak gui ung tha tu hlüh ci naw hteit neh ami tha tu vai ci neh ghipa ng'vai m'htei ci ah Mamah Yom Myu Hlu naw pyein ci, Ghipa ng'vai gui ami ghü nak ung kä k'chang k'chu ci gui kä mi tha law vai ci neh phi pyein ci gui. A k'tung pi ah nga mi ung hlü pi ci gui cuh ami hleih shuk nak vai ami hteh hton nak gui kä ng'hlawi ci ci neh pyein ci. Tha law tuh khai ah k'chang gui naw Catholic a kya ung Bawiphaya naw bäi nak a peih vai, a k'chang hei ah a kya ung Hluki ah k'bäi nak law pui neh ami law vai ci neh Mamah Yom Myu Hlu naw pyein ci. Tha law tuh khai ah ghipa ng'vai cuh a ken pi ah a khaw kum 60 a law vai ci neh phi pyein ci. 

 Shin ah ami bi lawh ami m'htei nak gui ung pahta pakkhui kä m'cha ah a u naw phi tha law tu neh gah ci nei ci neh pyein ci. K'chang k'thai shing gha leng neh chu ba khai gui ah kya hlei Mindat manggo k'om gui ung ka a u naw phi hteh neh shi k'ca tu neh hteh thon law vä ci neh Pughipa ng'vai gui m'htei gui ci ah Mamah Yom Myu Hlu naw pyein ci.