September k'cha (15) cuh Democracy k'hngüp ah khak ci.

September k'cha (15) k'hüp cuh (International Day of Democracy) ciah khawm'dek k'khan pum ung om ciah ghuin-khaw gui no Democracy a om lo cuh shüm-hmat nak ba ah k'hngüp ah a mi khät ah kyak ci. A shin ah International Day of Democracy cuh 2007 kum  Novenver k'cha (8) k'hngüp ung a kum tä hleih September k'cha (15) k'hngüp ung International Day of Democracy bi vai ciah United Nations ng'bum no tün neh k'hngüp a khät ah kyak ci.

Ghuin-khaw gui ung Democracy on khawng-bang neh bi loh ah mü-ceng nak cuh a i ang ci ung, k'chang päng van no a mi hang ghün-om ah ung a mi mät ah  thum gui ni, a mi ng'bing-loh hlum-lei nak gui ni, ng'hnguh-ng' hteng nak gui ung phih kyai, k'chang päng van no a gah tu vai chin a gah tu vai, a bi loh pyein-k'hlak tu hlü gui cuh phih u noh kä hüng en hleih a k'ni lam täng ah a bi loh pyein-hlak tu hing pi hti vai ah bü-ceng nak gui on Democracy k'hngüp cuh a mi bi loh ah kyak ci.

A cun gui cuh khawm'dek khan ah om ci phun ah pigo gui ni, mang-go gui ni, ghuin-khaw gui ni a van no ng' lung na neh bi loh ghom vai ah phäh ah kyak ci. UN k'bum no cuh khawm'dek pum a dim-kyäp vai, k'chang gui ah ghü-om nak gui a bä lo pi hti vai lah k'chang tu mat no a gah tu vai chin a gah tu hing vai ah ma mong gui cuh bä-ceng neh bi loh ciah kyak ci. Tuh chü ah UN k'bum ung a ng'vai-hta cuh Antonio Guterres ah kyak ci.

.