World Mission Day: ciah Khaw-m'dek pum ung hta-hta-na bi bi nak ah k'hngüp.

Catholic no a a kum tä hleih a bi hti ah kyak ciah (World Mission Day) ciah kyaw-m'dek pum ung hta-hta-na bi bi nak ah k'hngüp cuh shin ah 2020 kum, October k'cha 18 hngüp bi vai ciah Vatican ung ka no pyein ciah kyak ci. Tuh chü hlo-kang ciah Covid-19 lei ah phäh ah Catholic no a bi loh man gui cuh m'düm nak ni, kä bi hlawt ah m'che nak gui cuh om ciah kyak ci. A cun ah kya hleih Lei kä awt htein neh gai-gong vai ah phäh ah bü-ceng neh Mass gän-ap nak ni, suh tong k'tai-güi ank ah Liturgies gui cun phih Online ung ka no bi loh ah kyak ci. Tuh-shu-kum (2020) phäh ah ( World Mission Day) cuh October k'cha (18) hngüp ung khawm'dek pum ung on ciah ghuin-khaw gui a van naw bi vai ciah m'khän neh pyein ci gui ah kyak ci. A cun nah poi vai ah phäh ah ng'ngaih-tüh vai ah ng'thu k'ni (theme) lei cuh "Here am I, send me" ah kyak ci. Covid-19 lei no wang täng ah ( mission) ciah hta-hta bi mi bi nak vai lah k'chang gui mi gung-tot tu vai phäh ah lam na m'shüm gui ciah a mong ah kyak ci ciah Paapashangpughang Francis no phih na m'thein m'cä gui ci. World Mission Day or Misssion Sunday cuh 1926 kum ung Pope Pius (11) a gha-le-ät nak no tün neh a bi lo htük ah kyak ci. Shin ah World Mission Day or Mission Sunday bi loh ah mong a mi bü ceng nak cuh Catholic a htin-taw noh hta-hta-na mong a bi lok nak ung suh-shan nak on phih kyai, peit-tak nak hlu ah phih kyai gung-tot tu gui vai phäh ah pa-hta k'chang gui hnga-k'phlang nak ba gui ah kyak ci.