Hnga khawng on Puloi üt cia Pighi ngvai

  Mindat mang go ung om cia pighi ngvai naw a üt ah Puloi läi cuh a khaw hei ah om ci gui pum naw law neh ami teng law tu ah kya ci. A ni cuh kum 95 law ci. A pi go läi cuh Khin Phawng ah kya ci. A ni a om ah phäh ah Mindat ung law tu ci gui ah a khaw hei ah ka gui cuh a kum tä hleh da law pi hti ci ah kya ci. Ghi ngvai law neh  a ksho kä üt ba hlawt ci ci neh a mät naw pyein ci. A yan ung läi kä ngdüm en neh ak sho üt man ci. 

  Pighi naw a üt ta Puloi cuh mi Kcho khaw pum ung ngming ngthang nak cia kya ci. A ni kä hmat ci Mindat ung u kä om ci. A cun phi ani ah hlo a Puloi üt ba khai läi kä om pha ci. A ni kä üt ba ung a u naw mä üt ba khai ang?