January k'cha a k'hngih nak (2) k'hngüp ung,a mi bi loh vai ah ma mong.

January k'cha a k'hngih nak (2) k'hngüp ung, khaw m'dek khan pum ung om ca, k'khanpughi ah ma ah ng'khan neh, k'khanpughi ah bi bik ci gui ( Bawiphaya ni, Maa-mah ni, Koyin gui) ah k'hngüp ung Papashangpughang Francis no St.Peter's Basilica phayakyong ung Mass gän ap khai.
Tuh-kum 2021 ung cuh Papashangpughang no k'khanpughi ah ma ah ng'khan neh, k'khanpughi ah bi bik ci gui ( Bawiphaya ni, Maa-mah ni, Koyin gui) on mät ah ghün-om nak ung phih kyai, a täng ah om nak ah ng'bum (community) ung phi kyai, bi loh ng'ngaih-tüh ahl hlo ah kä kya nak a om ung phih kyai, m'lung m'hting vai (Patience) neh ghün om vai ah mong cuh a k'tung pi ah m'thein m'cä gui ca kyak ci.
M'lung m'hting neh (Patience) ghün om cuh gein vai (weakness) neh ghün om ah kä kyak ci. A cang ah pyein ung, m'lung m'hting nak (patience) no kä ng'hloi ng'hlak nak gui lah ah ma mong gui cuh m'chüt näng neh na bi loh hlak gui ca kyak ci caih pyein ci.
A cun ah k'khanpughi ah ma ah ng'khan neh, k'khanpughi ah bi bik ci gui (Bawiphaya ni, Maa-mah ni, Koyin gui) ah k'hngüp cuh (the Feast of the Presentation of Jesus in the Temple) k'hngüp on ng'awt ca kya ci.
January k'cha a k'hngih nak k'hngüp mü-hün täng ah k'hngi m'chin (5:30) ung Mass gän ap neh poi bik khai gui ci ah pyein ci gui.