Spain ghuin khaw ah ka Cardinal tumat shik ci.

Spain ghuin khaw ah ka, Franciscan bawiphaya ng'toi ung ka a khaw kum (87) be ca 'thai güi mang Cardinal Carlos Amigo cuh April k'cha (27) k'hngüp ung shik ci ciah pyein ci gui. A cun ah shik ca k'tai güi mang Amigo cuh Cardinal ah kä kya pha ung Savile khaw (Diosese) ung Archbishop ah kya mang hte ca kyak ci. Cardinal Amigo cuh a ghün yah ung k'khanpughi lah a paw k'chang gui ka vai ah k'tha na neh bi loh man hte ci ciah pyein ci gui.
A ni cuh kä shih pha ung k'cha goi ghep vai a khaw m'neh hte ci ciah pyein ci gui. Cardinal Amigo cuh shei pyin-nyga (Medical study) ng'htei ge hte ci, a cun ah a ng'thei ng'thang gui nong ghüt neh Franciscan bawiphaya ah kyak khai ah (seminary) ah htet ca kyak ci. Franciscan ng'toi ung ka gui cuh bä ca St.Francis ah hlo ah a päng a van ung k'khanpughi ah bä khäk nakgui cuh shüm hlmat neh om kyak ci gui ah kyak ci. Cardinal Amigo cun phih a cun na hlo ah kya hluk man ci ciah pyein man ca kyak ci. A tung pi ah k'chang gui ah ni bä nak hngu hmat hte neh, k'chang gui ng'tu ng'hta pui gui neh, k'chang gui ah a mi k'chüi k'aw ng'ngaih pe gui hlu ah nga mi gui on yei kyai nak, dim kyäp nak gui pe gui ca kyak ci. Cardinal Amigo cun phih a cun na hlo ah läk neh ghüng om man ca kyak ci.
Papashangpughang John Paul II no (2003) ung k'tai güi mang Amigo cuh Cardinal ah a k'bäi ah kyak ci.
https://bit.ly/3MJ7l2z