Ami ngming thang cia nu gui ah mcäi

Nu naw i ngyak hlü neh ma?

1.Hta khmaw gui am a püh kheh ah mthein tu vai.
   A htük ge ung ka hta gui am ka mthein. Ngami kyawng ami kai a hlo ah kei phi ka mamong ah ka hteit ci. Tumat phäh phäh ung mamawng om ci. Mü täng ah avan ngkyüm lo ba ung bui chum gui avan no pyein ba yop vai.(Diane von Furstenberg)

2.Hta khmaw gui naw ami na thei hlü vai ah om vai.
  A khmo shäm neh bibi ciah nu gui a hlo ah theibang tu hlü vai ka ktha na ci. Ami na theibang tu hlü vai ka ktha na ci. Ka mamawng a phäh ah akhlang ah ka hteh ung ka khaih gui ci.(Victoria Beckham)

3.Bi kä bi pha ung a i ma neh bi khin ngahtüh vai.
  Ani htamatah kei ana kchu, Cung phi keini ah aktung pi ah bi cuh hta khngu hta kpa gui akni ah  ngkyäng lo u neh ang?  Cun cu hlu hngün ung aktung pi ah ngdang khai ah kä kya ne ang?(Michelle Obama)

4.Ghü neh na mktung vai.
   Mamawng la nu ah ghinlu nghloi khai ah hlü pi ci cuh khma ne bi ah kya ci. Aktung pi khma ne bi neta kkyawngkhui ung om vai. Ning hmat hlü hlak läi cuh mät ah khing mät no lak thei vai.(Kim Kardashian)

5.Mät naw mät mhluh ah mlung khmih vai.
  Mät no mät mkat ah mlung mken vai. Im a om neh mamawng kä na bi a phäh ah kä na thüi vai. Mamawng ah gok yah ung kkyawngkhui on kä na om a phäh ah kä na thüi vai.(Katie Couric)

6.kchang ah kä bi hlawk i kä om khai ci neh ngaih ngtüh vai.
  Nu gui avan ngngaih täng khai ka ngngai ci. Tumat ku pyein lo ung kä kya hnging khai ciah ngah tüh nei. Kä ng'ä ä! na mamawng akni ah na bi vai kä kya hnging ci kya khai na bi lo hnging khai.(Tina Fay)

7.Mät naw mät phep vai.
  Upatei kyawng ka kai la ka hta khngu James kcha 14 va lo pha ci. James a tah kyawng ca ka ktha nak ci. Kho ngoi 8;30 ung kyawng ka hteit ci. Mü hngün 4 ung im ah ka gawk ba ci. A cun kon läi ah akhmo gui am a khing ka pe ci. James a ih güt kkyawngkhui am a khing ka pe ci. Ka ngdüm ci. Akhmo a ih la ca ka teng ci. A cun ung mamawng khngih ka bi hnging ciah ka ngngai ci.(Ruth Bader Ginsbrug)

8.Ma mawng gui mdawn neh ngaingtüh vai.
  Yei na phya ciah akhmo hta gui shäm lo ciah mlung a phäh ah i phi kä ngtam ba hlü. Ngui phi ka ngyak ba hlü. Tacik phi kä ngyak ba hlü. Ngyak ba hlü te a mo kä hlü ba ci. Cun cuh kä täng ciah mlung ngngaih ah kya ci.(Serena Williams)

9.Na mät ung ni khai ah na ngahtüh ah hlaw ah Kchang gui ung phi nang ngahtüh tu vai.
  A yan, kchang cuh mamawng ung omneh mlung cuh im ah a om ah phähah i ah awng ngtang vai kä hmat man. Nu tumat ah ghinlu ktung tu ba ci. Cun kon ah nu a bi cuh ka bi man phung gui ung akni pi cuh ka bi man phung gui ung akni pi nei.(Sheryl Sandberg)
 
10.Na hngün u no kä thong hnging khai.
   Pepsica ah hluki ah a kya ung phi Director nghtawi kboi ah a kya ung phi im ah na gawk la kchu tumat nu tumat nei. Shin gui cuh na mamawng. U no kana neh kä gah khai.( Indra Nooyi)