Camp ung om ca k'chang gui ung ah (60) a mi ngon gui ah cümong.

A mi om nak ah ghuin khaw ni, a mi k'pyu-im gui nong ghüt neh dong ca k'chang gui no a mi om ih nak ah (camp) ung a mi tuk-ah gui ah phäh ah Papashangpughang no kä yum ciah a pyien na mong.

Vatican ung kah a vai hta tumat ah kyak ca Pietro Parolin no Conno ghuin khaw a ng'vai hta on a täng ah thü-hlei ca mong ca m'khäh ca kyak ci.

February k'cha a k'htük k'hngüp (1) ung hlei-hat k'kon ca a ng'bum tumat no dong k'ton ca k'chang gui no a mi om nak ah  (camp) a mi tuk nak ung k'chang ng'shin k'chuk-kyip (60) cuh shik ca kyak ci.

A cun ah a mi shih nak ung ah k'chang gha-lei-goi (12) cuh a a k'hmgo-hta gui ah kya neh k'chang ng'shin k'phi-kyip (40) cuh lem-bai ci gui ah kyak ci.

Shin ah a mi bi loh gui cuh kä k'chang man gui ah bi loh ah kyak neh shink ca k'chang gui cuh k'khanpughi no a ghui im ah a om tu gui vai lah shik ca k'chang gui ah a mi k'yong khui cun phih k'khanpughi no a m'htei gui vai ah suh shan pe gui neh a nga mi gui a van on ät neh a m'lung kä yei ci ciah Papashangpughang no pyein ca kyak ci.

A cun ah a mi tuk nak ah (camp0 cuh UN lah Catholic pa-hta no ng'pong ni neh a täng ah a ni bi ah kya neh (camp) ung k'chang (20000) cuh a mi m'htei gui ung kah k'chang (13000) cuh a k'hmo hta gui ah kyak ci.

Ng'pyi pui ca k'cha k'thum ung phih a tuk bäh ah hlo ah a mi tuk-ah nak gui ung k'chang ng'shin k'phi-kyip lah k'phi (44) shik khai gui ah a mi ngon gui ah kyak ci