Go-pyam ca k'cang gui ah k'ngüp.

2022 kum,Fabruary k'cha 11 k'hngüp ung (XXX World Day of the Sick) ciah a thum-kyip nak vei, khaw m'dek khan pum ung goi-pam ca k'chang gui ah k'hngü ka vai ah online ung a mi ng'thu-ng'hta nak om khai ci ah Vatican ung ka no pyein ca kyak ci.
A cun ah February k'cha 11 k'hngüp ung, (the Vatican Basilica of St. Peter) ung a k'thuuk ah a mi bi loh nak om khai ciah pyein ci gui. A cun ah a mi bi loh nak ung , "Be merciful, as your Father is merciful" (lk 6,36) ciah Pa k'khanpughi no a na m'gein gui ah hlo ah mi paw k'chang gui mi k'chü m'gein tu vai ci ah ng'thu thein cuh a tung ah (theme) ah ghü neh du-dong yai-ca ci gui gung tu gui neh bi loh vai ciah pyein ci gui.
Tuh chü Papashangpughang no khong bang hleih, ca pui pui tün neh bawi Yesu a htin-taw no goi-pam neh yai-ca gein-vai ca k'chang gui gung tot neh bi loh gui cuh m'hteih neh na ak bi vuk ca kyak ci (cf. Dolentium Hominum, 1).
Shin ah (the World Day of the Sick) cuh Papashangpughang St. John Paul II no 1992 kum, May k'cha 13 k'hngüp ung tün pong neh a bi hte ah kyak ci.
Go-pya ci gui yei ca gein vai ca k'chang gui kä nong gui neh, a htin-taw no nga mi gui k'khanpughi no a tü pyan ah chang tumat on a täng ah m'htei tu gui vai, yei kyai nak gui vai, gung tot tu gui vai hlü ca kyak ci ciah pyein ci gui.
A cun ah bi poh vai cuh ghuin khaw gui a van ung ah (the pastoral care of health, social and health workers, chaplains) gui ni, a cun ung ng'bi tuk ca k'chang gui a van on a tung pi ah a mi pyein nak gui ah kyak ci.
Papashangpughang no phih gopam ca k'chang gui gung tot gu gui vai cuh bi loh düit ah kä kyak ci, bawi yeisu no mi bi vai ah a chü phong gui ah kyak ci ciah na m'thein m'cä gui ca kyak ci.

https://bit.ly/3rgb6VD

Add new comment

11 + 6 =