K'cho khaw Paletwah lah Sami IDP k'om gui ah mawng

 Mindat CSO ung ka Thang Khe lah Mang om naw Paletwah khaw IDP k'om gui ka vai khawng mang neh ani bi loh tu gui ah amawng RVA on m'thein tu ci goi. Thang Khe cuh Mindat ung om neh CSO k'hmaw k'thoi gui lah acoyah on a täng ah khawng mang neh ngui ghui khawh k'cham gui loh ung neh Paletwah k'om gui ka vai shui lei ci gui. A cun ah ami shui lei gui cuh Mang Om ni naw khawng mang u neh Paletwah khaw Sami pigo chüh ah va tha ci gui. 

  Baletwah khaw Sami ung om ci gui ka vai ah Mindat mang go k'om gui naw ami peit tah gui va tha u neh ami nghuh gui ah mawng gui phi pyein ci gui. A k'tung pi ah ami ei awk vai gui lah ami cik shon nak vai shing shui m'htai lak nak vai ah k'khim kä om ci cineh pyein ci. 

 IDP k'om gui ka vai ah acoyah lah CSO gui naw atäng ah bilo neh khawng mang law pihti ung bä khai kya ci nei ci neh pyein ci goi.