Kum (56) vei nak World Communication Day ah phäh ah Papashangughang no a na m'thein gui ah mong.

A k'hma-lei-k'chuk nak (56th) World Day of Communication ah (theme) mah kyak ca M'lung on mah ng'ngaih (ng'yaak vai) vai hlü ca mong cuh Papashangpughang no a k'tung ah na m'thein m'kan gui ca kyak ci.
Khaw m'dek pum ung om ca Catholic ahtin-taw no May k'cha (29), Assension Sunsay ci neh pyein ah Bawiyeisu k'khanmopi ah a kai nak ba ah poi k'hngüp ung (World Communication Day) bik khai gui ah kyak ci.
World Communication Day cuh (1967) kum ung a k'hngih vei nak Vatican Concil (the Second Vatican Council) a mi bi nak ung ma k'bäh neh tün pong neh a mi lo ah kyak ci.
K'khanpughi mi yum nak cuh mi ng'ngaih nak (mi ng'yaak nak) ung ka no lok ca kya hleih tumat lah tumat ah k'chüi k'aw cuh a k'cang ah mi k'lung ung ka no (Listen from the heart) mi ng'hngaih vai hlü ci ciah bä ca St.Augustine ah k'chü m'kha la neh 2022 kum, World Day of Communication ah phäh yah k'chü m'kha na m'thein m'kan gui ca kyak ci.
Tuh chü cuh a i bi loh ung phih media on a van bi loh ya kya neh Cathholic ahtin-taw no phin Media/communication ah a hlü ah momng cuh k'tha na neh bi loh neh k'khanpughi ah ng'thu k'ni (good news) cuh k'chang gui a van no mi hmat tu hing vai ah Media on bi loh ca kyak ci.
Catholic ahtin-taw no Universities ni, colleges ni, publishing houses ni, television ni, radio stations ni, social media networks, news services and continental, national and diocesan communication offices gui cuh Communication departments gui ung bi lo ca kyak ci.
1974 kum ung tün pong neh a mi bioh ah kyak ca Asia khaw ung ka k’tai gui mang gui ng’bum (FABC) ung offices gui (9) a om nak ung ah tumat ah kyak ca (office of Social Communication) no phih a biloh gui a k’daa om ca kyak ci.
Asia khaw ung a k'tung pi ah (Asia’s major communication activity) kyak ca Radio Veritas Asia (RVA) cun phih k'chüi 22 (22 language services) on a mi bi loh nak ung Asia khaw ung k'chang a k'daa no läk neh cung-ngai tuk ci gui ah kyak ci.
Asia khaw ung Catholic no a bi ah kyak ca (News agencies) gui ah kyak ca UCA news, LiCAS gui cun no phih a mi biloh a k'daa om ca kya ci.
Bä ca Saint Francis de Sales ni, Saint Clare of Assisi ni, Saint John Paul II ni, Saint Titus Brandsma lah Blessed Carlo Acutis gui cuh (Catholic Journalists) gui ghung-m'htei gui ca bä ca k'chang gui ah kyak ci.

Add new comment

1 + 1 =