October k'cha 16 k'hngüp cuh World Food Day ah kyak ci.

 October k'cha 16 k'hngüp cuh World Food Day ciah a kum täi hleih bi vai ah  United Nations UN k'bum no k'hngüp a khät ah kyak ci.

Shin ah World Food Day k'hngüp a mi bi ah a k'tung pi ah a mi büiceng nak cuh i ang ci ung, ei awk coi-gha nak kä om en ba vai ah thä-hla neh bi loh vai ah phäh lah, ei awk gui cuh pum-kyä ah gai gong nak vai ah bi oh pyam tham vai ah phäh ah kyak ci.

I ah kya hleih ci ung, a k'hngüp tä hleih mi ei awk ah, keik-awk gui a k'ni a theing-thap ung wah, mi pum kyä no gai gong nak khai ah kyak ci. A cun ah kya hleih, mi ei awk gui a theing thap vai lah pum kyä ah gai gong neh k'tha gui ah om nak vai k'chang päng van no mi ei awk vai hlü ca kyak ci.

Shin ah   World Food Day k'hngüp cuh 1945 kum ung leng neh United Nations (UN) ng'bum ah k'kaa ah om ca, the Food and Agriculture Organization (FAO) ng'bum no tün pong neh a bi loh tük ah kyak ci.
Tuh-shu kum 2022 ung World Food Day k'hngüp ah phäh ah a k'tung pi ah thä-hla neh bi loh vai ah (theme) ma mong cuh "Safer food, better health" ci neh a m pyein ah "theing thap ca eik-awk, pum khä ah gai gong lo nak pi thi vai" caih kyak ci.