October k'cha a k'hngih nak 2 cuh "The International Day of Non-Violence" k'hngüp ah kyak ci.

Tuh ngoi October k'cah a k'hngih nak 2 cuh The International Day of Non-Violence k'hngüp cuh ciah United Nation ng'bum no a khät ah k'hngüp ah kyak ci.

Shin ah The International Day of Non-Violence k'hngüp a mi khät lo ah mong lam cuh  i ung ka no ng'tün pong lok ci ang ci ung, India ghuin khaw cuh ghuin khaw a hei no a uk-chuk nak ung ka no a phon hlot vai ah khong bang neh bi man neh tah ng'tung ng'ah nak cuh dim kyäp ca lam on bi loh vai ah ng'ngaih tüih neh bi lo ma ca Mahatma Gandhi (leader of the Indian independence movement) ah a ng'tüi nak ah k'hngüp ah kyak ca October k'cha a  hngih nak 2 cuh The International Day of Non-Violence k'hngüp ciah UN ng'bum no a khät ah kyak ci.

2004 kum ung, Iran ghuin khaw ah ka Nobel suh gah ca Shirin Ebadi no a shin ah  International Day of Non-Violence k'hngüp khät vai ah a k'hnga k'phlang lo ma gui ung ka no 2007 kum, June k'cha 15 ung tün neh  International Day of Non-Violence ciah ng'tuk nak kä om en hleih dim kyäp ci hlu ah bi loh nak vai ah k'hngüp cuh a mi khät lo ah kyak ci.

Shin ah  International Day of Non-Violence k'hngüp a mi khät ah a mi büi-ceng nak cuh i ang ci ung, ng'tung-ah nak kä om en hleih dim kyäp heih, ng'hngung-hmat yop neh kho m'dek k'khan ah ghün om vai ah phäh ah kyak ci.

I ah kya hleih ci ung, "non-violence" ciah dim kyäp ca lam on bi loh cuh hle-het gui ah tah k'tha gui om tu ba ca kyak ci. "A cang ah ling gai ca k'chang ci nak ki cuh ng'tuk nak lam kä pyang en neh, dim kyäp nak ah lam pyang ca kyak ci" ciah India ghuin khaw ah ka  hngu-hmat k'chang ah kya neh ca gu-then ca Amit Ray no pyein ca kyak ci.

A cun ah kya hleih ng'tuk nak kä pyang en neh dim kyäp nak a van no mi pyang ko.