Papahsangpughang a ng'hta yah ung K'chang tumat m'laa neh m'aw ci.

Papashangpughang no (Wednesday) k'hngüp tä heih k'hngi m'chin (10) ung khawm'dek pum ung ka no lo u neh suh shang lok ci gui ah k'chang gui on St.Peter Pahyakyong ung phi kyai, John Paul (VI) im ung phi kyai hngu gui hti ca kyak ci.

Ng pyi pi ca February k'cha a k'hngih nak (2) Wednesday  k'hngüp ung Papashangpughang no k'chang gui on a ng'hta pui gui yah ung k'chang tumat cuh "hta-hta-na no a bi gui k'khanpughi no a ng'yak hlü ah lam ah kä kyak ci" ci neh m'laa neh m'aw hleih k'chang gui cuh cä-cat yop ci gui ah kyak ci.

A cun na kya lo hleih Vatican Ye (ploice) gui no pha neh tah a mi m'hting ah kyak ci.

A cun tu pang ah phih a khaw kum (85) be pi ca Papashangpughang cuh pa-hta k'chang gui on a k'thu ng'hta pui gui cuh kä ng'düm neh a cun ah m'aw neh m'laa ci k'chang ka vai ah suh na shan tu pe vai ciah m'cä gui ca kyak ci.

A cun nah k'chang cuh mi paw k'chang tumat ah kyak neh, a m'lung, a k'chawt, a ng'müm-m'cha lam hlu ah kä ng'hloi ng'hlak nak gui om hing ca kya hleih m'htei tu u neh na mi k'taiüi tu pe vai ce pyein ci.

https://bit.ly/3LkvxJ0