September k'cha 15 nak cuh The International Day of Democracy k'hngüp ah kyak ci.

A kum täi hleih September k'cha a gha-lei-k'hma nak cuh khaw m'dek pum ung (The International Day of Democracy) k'hngüp cuh bi vai ah United Nations (UN) ng'bum no k'hngüp a khät ah kyak ci.
A shin ah The International Day of Democracy k'hngüp cuh 2007 kum ung the United Nations General Assembly ung ka no tün pong neh bi loh vai ah a k'bäi ah kyak neh, kum 2008 ung tün neh ma pi k'bäih neh a mi bi lo ma tük ah kyak ci.
Shin ah The International Day of Democracy k'hngüp bi cuh Democracy a om hing vai ah bi loh nak ung k'chang gui a van no vuin vai neh, ät neh mi bi loh vai hlü ca mong cuh na k'hnga-k'phlang gui ca kyak ci.
Democracy ci cuh k'chang tumat ah phi kyai, k'chang gn'bum gui ung phi kyai, gah tu chin vai gui gah tu vai lah bi tu vai chin phi bi loh neh ng'kong gei neh, dim gei khai ah ghün om nak vai ah phäh ah kyak ci.
Cun kon ung, ghuin khaw ma mong, täng pang neh bi loh nak ung phih ghuin khaw ung om ca k'chang gui päng no a k'ngaih tüh, a hnguh hmat a pyein tu hing vai, a bi tu hing vai ah phäh ah kyak ci.
Democracy ci cuh gah chin vai gah tu vai a hlüi ah hlo ah bi chin vai phi bi tu neh, k'chang tumat ah ghün om nak, bi loh gui cuh hlui tä tu neh hlüng tai neh dim gei khai ah om hing vai ah mong lam ah kyak ci.
Democracy ci cuh k'chang tumat ta phi kyai, k'chng ng'bum gui ah phi kyai, a mät ah yum ah pa-hta yum neh a ghün om hing vai, k'chang gui khoi-khei nak kä om en hleih ng'khong gei neh ghün om vai ah lam a kyak ci.
A cun ah kya hleih, khaw m'dek pum ung om ca ghuin khaw gui a van ung Democracy a om hing vai ah k'chang päng van no k'thaa nak vai hlü ca kyak ci.
https://bit.ly/3QFcwT3

Add new comment

9 + 5 =