South Korea ghuin khaw ung a mi bi loh gui.

South Korea ghuin khaw, Seoul Archdiocese, (Myong Restaurant in Seoul) ei-awk a mi yoih tuk nak ung ka no go-pyam ci gui ni, a mi k'phu-im kä om ci gui ah k'chang gui ni, kä-kut-khaw ci gui (disabled people) gui lah du-dong yai ca caih k'chang gui on buh m'bei gui ca kyak ci.

A cun ah (volunteers) gui no a mi m'bei gui ah k'chang gui cuh k'hmä-ät a mi m'bei ung lo neh ei lok ci gui a don ah k'chang phya k'cheit-kyip (800) ah chüt ah a mi m'be gui ciah pyein ci gui.

A cun ah a mi m'ei m'awk gui cuh (the Catholic Church’s Commission for Social Services for the Poor in the Seoul Archdiocese) ciah South Korea ghuin khaw ung om ca Catholic pa-hta ng'bum no khong bang neh a bi loh ah kyak ci.

Ei-awk gui (buh) a mi tu-m'bei nak gui cuh lkhaw-ngoi (9:0 AM) ung ka no (1:0 PM) ah chüt ah k'hmä-ät, (1:0 PM ung ka no (5:0 PM) ah chüt ah k'hmä-ät, khaw k'hngüp ät ung k'hngih vei (two times a day) a mi m'bei gui ah kyak ci.

Bawiphaya Michael Mintu ( the head of Divine Word Missionaries' JPIC in Korea) cuh a cuh ah a mi bi loh nak ung gung-tot neh bi loh pui gui ca kya neh a mi bi loh gui päng a van cuh suh-tong k'tai güi nak on tün-pong neh ng'pyi-ng'päng neh ka mi bi ah kyak ci ci neh pyein ci.

A cun ah a mi bi loh gui cuh, coi-gha ci gui on a mi bum-kyä lam ah hlü ci gui cuh k'khanpughi ah ng'ming on du-dong ci gui ah k'chang gui gung tu gui neh bi bi nak ah (mission) ah kyak ci ciah Bawiphaya Michael Mintu no pyein ci.

A cun ah a mi bi loh nak ung, khoh-tang om ci no, khoh-tang on, khoh-tang kä om ci no a k'tha-gui on (volunteer), volunteer kä bi tu hing ci no khonh-tang on ät neh a van no ng'lung na neh a mi bi loh ah kyak ci.

A cun ah k'chang gu gung tot neh bi loh cuh bawi yeisu ah bi loh ma mong m'dang nak ah kah kyak ci ciah Bawiphaya no pyein ci.

https://bit.ly/3HDqos8