Papashangpughang Francis no Italy ghuin khaw ung a ng'vai hta a k'tai (Prime minister) Giorgia Meloni ka vai ah k'tai güi pe ci.

Ng'pyi pi ca Sunday k'ngüp ung Italy ghuin khaw ung a k'thai ah a mi k'bäi ah a ng'vai hta (Prime minister) Giorgia Meloni ka vai ah Papashangpughang Francis no ng'tai güi pe ca kyak ci.

A cun ah Italy ghuin khaw ung a k'thai ah a mi k'bäi ah a ng'vai hta (Prime minister) Giorgia Meloni cuh Italy ghuin khaw ung ma pi k'bäih neh k'hngu-mi Prime Minister ah kya lok ca kyak ci.

Papashangpughang Francis no October k'cha 23 k'hngüp ung, Angelus suh shan nak a ng'pyi lo täng ah pyein neh "Italy ghui khaw ung a ng'vai hta a k'thai no tün pong neh bi a bi loh nak ung, dim-kyäp nak lah ät nak cuh Italy ghuin khaw ung a om vai ah mi k'tai güi ko" ciah pyein ca kyak ci.

A cun a Italy ghuin khaw ung a ng'vai hta a k'tai (Prime minister) Giorgia Meloni no phih, ng'düm lok khai ah a ng'vai hta (prime minister) Mario Draghi on  a k'vai hta ah  bi loh nak ah mamong gui a ni ng'ap nak ng'pyi lo hleih Papashangpughang Francis on na bä ni ciah shüm hmat nak ah k'chüi m'khät ca kyak ci.