Corona lei ah phäh ah Rome khaw ung ka gui Vatican ah ng'plon ci gui

 Vatican ung om ci ah St,peter ng'bum im ah k'dü ma ah ami om nak vai ka om ci ah k'chang gui ng'bum neh htet ci gui. Nga mi gui ami van cuh a khaw hei ah ka law u neh k'tai gü law ci gui ah kya ci. Acoyah naw im k'kyon ah om vai a khaw hei ah kä hteh vai ci neh a pyein ah phäh ah ami im ah phih kä hteh ba ah om ci gui ah kya ci. 

Rome khaw ung ami ih om nak vai ka om ca k'chang shing 8000 om ci ci neh  Catholic community and volunteer network based in Rome ung ka Lam m'shüm ( Director) Mr,Massimiliano naw pyein ci. A cun bäng ah kä kya hlei nga mi gui Corona virous naw ka kawh nak gui ung phi yai ca gein vai neh om ci gui ci neh ami lam m'shüm naw pyein ci. 

A cun ah k'chang shin 8000 ung ka k'chng shin 3000 cuh Rome ung ami om nak vai kä om hlei Train Staytion gui ni lam pei yung ah om ci gui. Corona lei a da ah phäh ah ami ei awk nak vai  tui phi kä om ba ci. Vatican a pei ah om ci gui ah dudawng ci gui ah ami ei awk vai gui cuh Sant’Egidio ung ka gui lah  Catholic charity ung ka gui naw gung tu ci gui.

Papa Shangpughang naw nga mi gui ka vai ami ei awk nak vai lah ami ng'shi k'pyo nak vai ah tui pe tu gui ci ci neh CNA News naw pyein ci.