Covid-19 lei a i ah lhawi vai?

  Mindat k'om acoyah naw Covide-19 hlwai vai ah bi a bi ah amawng gui cuh 29/4/2020 ung Mindat Market ni Natalah kyawng im gui ung hteih u neh shei bu ci gui. Mindat mang go ung Corona lei ah phäh ah gaw pai ci ah k'chang kä om pha te ci acun ah lei ah hlaw ah go pai ci ah k'chang tumat om ci ci neh Natalah ung bi cia phä Kyü om ng'thang naw pyein ci. Corona lei ung ka naw kä na khawh gui vai ah Market ung hteh yah ung mask ng'shung neh hteh vai ci neh Gaigawng mawng lah gügo nak vawn kyi hnün naw täng pang hlei pyein ci gui. A cun bäng ah kä kya hlei Cang ng'ai vonki hnün naw phi Market hteh ung Mask on kä ng'shung ci cuh pha vai ci ah phi pyein ci gui. Market ah k'hleih tu k'khai gui naw ngawi m'khin 9;00 am ah chüh ah ami k'hleih tu vai ci neh phi pyein ci gui. 

 Mü yung ah hteh hton ung phi mü m'kin 10.00pm ung ka naw ngawi m'kim 4;00am ah chüh ah a u phi a k'pung yung ah kä hteh hton vai ci neh pyein ci gui. A cun ah acoyah naw a pyein kä läk tu ci gui cuh Upate ah täng ah ng'lo ng'chang khai. Ng'bum ng'bäi nak ung phih k'chang k'hma ah tah kä da pi kai ah om vai ci neh acoyah naw khawng mang neh pyein ci.