Pu Khaw Mawng ah güp guk m'tei nak ung kai tu ciah ng'hta kaw nak

Shin ah güp guk a ng'thei nak ung a hnuh hmat tu gui ah mawng gui a pyein nak ung shin a ng'thei tu yop ung pigo ung ah htet ba neh m'thei tu ba khai ci neh pyein ci. Mindat ung shin ah hlo u naw phi kä m'thei mang ci ah kya hlei kä ng'tei tu man ci ci neh pyein ci. Ani cuh a cang ah shin ah güp guk nak gui cuh ng'tei tu hlü ci ci neh phi pyein ci. Kyawng gui ung ami m'thei ung ni tu pi khai ci neh phi pyein ci. Mindat manggo ung a k'hmaw tha gui a k'da ng'thei tu hlu te ci gui m'thei khai kä om ci. Ngaw ah ami thei law ung u naw phi k'tha nak neh ami kai tu vai ci neh pyein ci. 

 Shin ah Pu Khaw Mawng naw a m'thei law ci ma neh Mindat mang go ung leng law hlei van naw mi k'tha nak tu püi ung bä khai nei ci neh Salai Kee Shing naw pyein ci. Salai Kee Shing cuh a hta a shin ah güp guk nak ung ahta a ng'tei tu vai ah tha law tu ci ah kya ci. Ani cuh a ca leng neh Pu Khaw Mawng ah güp guk nak gui hnu tu mang ci ci neh pyein ci. Pu Khaw Mawng cuh ng'thei neh a hnuh hmat law ah kä kya neh amät naw a ng'ngaih ng'tüh on a guk law ah kya ci nei ci neh pyein ci.