CNLD naw K'cho k'chang ka vai a i gui bi law khai

CNLD naw kum 2020 ung a i gui bi law khai ci cuh Saya K'hman Thon Gei naw apyein  lah ami mamawng gui a i gui ci ah amawng gui RVA naw ng'shi k'ca nak ah kya ci. CNLD naw law k'khai ah kum 2020 Election ung a ng'näng ung a k'tung pi ah K'cho khaw ung Self Determination ( mät ah malam mät naw pyan vai) ci ah amawng gui ni K'cho khaw ung acoyah ah m'dek kä om ci K'cho khaw cuh k'cho k'chang gui ah m'dek nei ci ah pyang ba vai ci neh ng'ngaih ng'tüh neh bilo khai gui ci neh pyein ci.

 Law k'khai ah kum 2020 Election ung CNLD k'cho pak'khui am a u naw phi vote nami peih tu vai ci neh phi pyein ci.