Hngu-mi gui k'ka-lu nak, k'duk-dei nak kä om en ba vai ah k'hngüp.

Tuh ngawi October k'cha (25) cuh UN (kuh-lah-hta-me-kah) no a khät ah (International Day for the Elimination of Violence against Women) ciah khaw m'dek khan pum ung om ciah hngu-mi gui k'duk dei nak gui a maih vai ah k'güp ah kyak ci.

1960 kum ung Mirabal sisters gui lah a hei hhngu-mi k'thum a mi ngon ah phäh ah a nga mi gui a mi shüm hmat nak ba hlu ah 1981 kum Novenber k'cha 25 ung a mi tün lo hte cuh 1993 December k'cha 20 k'hngüp ung UN k'bum no a k'bäi ah kyak ci.

Shin nah hngüp a mi kät ah a mi bü-ceng nak cuh hngu-mi gui a van ah khan ah a mi kyä-hlaa phih kyai, a mi m'lung phih kyai k'ka-lu nak, k'duk dei nak gui kä om en ba vai ah phäh ah kyak ci.

A van naw a täng ah ät yop ghom neh tah hngu-mi gui, hngu-mi hta gui k'hmo hta gui ah khan ah k'duk-dei nak gui, k'ka-lu mang-ca nak gui kä om en ba vai ah biloh ghom vai ah bü-ceng neh hngüp a mi khät ah kyak ci.

https://bit.ly/3o73rEL