Tuh-ngawi December k'cha (3) k'hngüp cuh (IDPD) k'hngüp ah kyak ci.

December k'cha a k'thum-hngüp (3) cuh (The International Day of Disabled Persons) ci neh a mi pyein ah khaw-m'dek pum ung om ciah kä kut-khaw ciah k'chang gui ah k'hngüp ciah 1992 kum ung tün neh UN no k'hngüp a khät ah kyak ci.

Shin ah hngüp a mi khät ah a k'tung pi ah a mi mü-ceng nak cuh kä khut-khaw ci gui ah k'chang gui ah a mi ghün om nak ung, nga mi gui no k'chang tumat ah a gah chin ah gah tang vai gui cuh a mi gah tu vai ah bi loh täng-pang pe gui vai ah phäh ah kyak ci.

Cun-kon ung, a cun ah kä kut-khaw ciah k'chang gui cuh ghuin-khaw mong lam ni, thum-yaw lam täng ah ni, hlum-lei awng-pan nak lam täng gui ung a mi bi loh tu hing gui ni, ami gah tang tu hing gui cuh taga khai ah a mi gah tu hing vai ah phäh ah kyak ci.

Tuh-shu-kum (2020)  ung (IDPD) hngüp a mi ah a k'tung pi ah k'chü-m'kha cuh (Building Back Better) ciah kä kut-khaw ciah k'chang gui ka vai  "ni-bä lo pi khai ah bi loh ba vai" ah kyak ci.

November k'cha (30) a thum-kyip k'hngüp ung ka no December k'cha (4) a k'phli k'hngüp ah chüt ah kä kut-khaw ci gui shüm-hmat nak gui vai ah k'hngüp ciah UN no thä-hla neh na k'hnga k'phlang gui ciah kyak ci. 

https://bit.ly/2KRMorF