2022 kum ung CRCM ah bi loh gui ah ma mong

Khanpughi on a mi ghün nak ng'khan neh bi bik ci gui ah Bawiphaya, maa-mah, koyin gui ng'bum (CRCM) no a cheit-kyip-leigoi nak (82) ng'shui-ng'gei nak cuh bik ci gui ah kyak ci.
A cun ah a mi n'gshui-ng'yei nak cuh 2022 kum, January k'cha a k'chüih k'hngüp ung ka no a k'cheit k'hngüp (7-8) ah chüt ah bik ci gui ah kyak ci.
A mi ng'shui-ng'yei nak ung k'tai-güi mang Justin Saw Min Htaik no khong bang neh bi loh pui gui hleih Bawiphya, maa-mah,koyin ng'toi gui ung ka a van a ng'dong ah thum-kyip-lei k'chuk (36) cuh ng'bum-ng'bäi ci gui ah kyak ci.
Ng'shui-ng'yei nak a mi bi nak ah a k'hngih vai k'hngüp ung k'tai-güi mang John Saw Yawhan no hteit neh a mi ng'bum-ng'bäi nak cuh ng'pyi ng'päng khai ah bi pui gui ciah kyak ci.
A cun nah a mi ng'shui-ng'yei nak ung a ng'bum ung bi bik ci gui ami m'thong m'hlai nak ung 2022 kum ah phäh ah (CRCM) ung a ng'vai hta ah Mindat mang-go ung ka Maa-mah Lucia Hing Pai(FMM) a mi m'düt ah kyak ci.