M'va ga-k'kap gui no lei-yin (airstrick) ung ka no a mi gon gui.

Kayah khaw ung m'va ga-k'kap gui no lei-yin (airstrick) ung ka no k'chang k'thum a mi ngon, k'chang k'chüh cuh a k'nui ah lam bai ci gui ah kyak ci.

January k'cha 17 k'hngüp ung m'va ghuin khaw, Kayak khaw ung ka, loikaw mang-go ah pei ah om ca ng'tuk nak a om ah phäh ah a mi ng'tuh om nak (refugee camp) ung m'va ga-kap gui no a mi tuk gui ah kyak ci.

Shik ca k'chang gui lah lem bai ca k'chang gui ah a mi ng'ming gui lah a mi khawkum gui cuh, ngu-mi k'hngih,Natalia,18,rosetta,17 lah k'pa-mi tumat, Felice, 50 ah kyak ci.

A cun ah a mi tuk nak ung shik ci gu cuh Catholic pahta k'chang gui bäng ah kya neh January k'cha 18 k'hngüp, khaw-ngoi täng ah  Bawiphaya Jacob Khun no shuh tong k'tai güi neh k'phuh gui ciah kyak ci.