K'chang gui yoih-tuk hlum-lei nak k'hmaih nak vai ah k'hngüp (International Day of Prayer and Awareness against Human Trafficking).

Tuh ngoi February k'cha a k'cheit k'hngüp (8) cuh (International Day of Prayer and Awareness against Human Trafficking) ciah k'chang yoi neh a mi hlum-lei nak gui kä om en ba vai ah suh shang neh thä-hla bi loh vai ah k'hngüp ah kyak ci.

A mi paw k'chang gui yoi tuk neh, hlum lei neh ng'ui shui ca k'chang gui cuh ng'aa ng'ca nak ah k'kaa ah a mi bi loh ah kyak ci ciah Papashangpughang no pyein ci.

A m'lung-ngaih k'kaa ah a mi paw k'chang gui yoih tuk hlum lei nak kä om en ba vai ah suh mi shang neh a cun ah a mi bi loh nak ah mong lam gui cun phih maih khai ah mi bi loh vai hlü ci ciah pyin ci.

Bä ca St.Josephine Bakita cuh k'chang gui no a mi yoih man ah kyak ci. A cun nah kya hleih Catholic a htin-taw no Bä ca St.Josephine Bakita cuh k'chang gui yoi tuk neh a mi hlum lei nak ung ka no na k'phyon gui neh na ghung na m'htei gui khai ah a k'bäi ah kyak ci.

A mi  yoih tuk gui ah k'chang gui cuh a mi k'chu-hta nak bäng ah kä kyak hleih phan gui u neh k'duk dei nak gui u neh a mi phü vai ei awk kä tu-m'bei gui u neh  a mi k'ka lu nak gui ah kyak ci

A cun nah bi loh ca k'chang gui ung cuh mi mät hta phi kyai, mi k'pyu im pei ah ka phih kya hing ca kya hleih a kya ah mi ng'ngaih na neh mi om vai lah mi paw k'chang gui mi m'htei m'hta tu vai ah Papashangpughang no na m'htei m'cä gui ca kyak ci.   

https://bit.ly/34En8PB