FMM maa-mah ng'toi no a bi loh gui ah mong.

Italy ghuin khaw, Rome mang-go ah Franciscan Missionries of Mary FMM maa-mah ng'toi gui no March k'cha (12) k'hngüp ung tün neh (General Chapter) a mi bi loh nak ung m'va khaw ung kah maa-mah k'hngih (2) phih hteih ci goi ah kyak ci.

A cun ah General Chapter a mi bi loh gui ng'hloi ng'hlak neh a k'ni ah a ng'pyi ng'päng vai phäh ah bü-ceng neh March k'cha a (3) k'hngüp ung ka no (11) k'hngüp ah chüt hleih k'hngüp k'ko (9) Novena bi neh ka mi ng'tai güi ci ciah Maa-mah Yaw m'Gu Mang (FMM) no pyein ci.

Italy ghuin khaw ah General Chapter a mi bi nak ung m'va khaw FMM maa-mah ng'toi ung kah a ng'vai tu ba ah kyak ca maa-mah (Provincial) Sr. Lucia Ling Hing Pai lah Sr. Lucia Yaw Leng htet tu ni neh ng' bum tuk ci goi ah kyak ci.

A cuh ah General Chapter a mi bi nak ung FMM maa-mah ng'toi gui no a mi bi loh vai ah ma mong gui cuh ni na yop ghom u neh FMM maa-mah ng'toi ung a ng'vai pi vai  (Superior General) a k'thai cun phih ghü neh m'düh ba khai gui ah kyak ci.

A cun ah kya hleih nu-pa, phä-na, hteih-pui paw k'chang gui a van no FMM (Franciscan Missionries of Mary) maa-mah gui ah bi loh ma mong gui a ng'hloi-ng'hlak vai ah ng'lung na neh, ät neh, mi k'tai güi tu pe gui vai ah na chü-thänm gui ca kyak ci.