August k'cha 19 cuh World Humanitarian Day (WHD) k'hngüp ah kyak ci.

A kum tä hleih August k'cha (19) k'hngüp cuh World Humanitarian Day ciah k'chang gui gung tot tu u neh ng'bik ca k'chang gui shüm hmat nak gui ah k'hngüp lah a cun ah a mi ng'bi hlu ah lembai ci gui lah shik ci gui ah k'chang gui shüm hmat nak tui ah k'hngüp ci neh UN ng'bum no k'hngüp a khät ah kyak ci.
Shin ah k'hngüp cuh k'chang gui ghung tot tu gui neh ng'bik ci gui ah (humanitarian workers) gui ah kyak ca k'chang gui ah ghün-phyon nak vai ni, a mi om ih ak vai ni, a mi gai-gong nak vai ah bi loh ci gui ni, k'chang gui ah a mi phyon nak vai ah bi loh ci gui shüm hmat nak gui, hnguh hmat nak gui ah k'hngüp ah kyak ci.
A cun ah kya hleih, shin ah k'hngüp cuh, khaw m'dek pum ung om ca (humanitarian aid workers) ciah k'chang gui gung tot neh m'htei ci gui ah a mi ng'bing-loh nak cuh shüm hmat nak gui ah kyak ci.
Tui mei ah phäh ah phi kyai, ng'tung-ah nak a om ah phäh phi kyai, lei-get ah phäh phi kyai yaica gein vai neh a mi om ih nak vai gui, a mi hlui ei vai gui lah a mi ghün phyon vai hlü ca k'chang gui gung tot tu gui u neh ng'bik ci gui ah (Humanitarian workers) gui ah hngüp ah kyak ci.
(2003) kum, August k'cha 19 k'hngüp ung, Iraq ghuin khaw, Baghdad mang-go ung om ca Canal Hotel Bomb on a mi m'kyek nak ung Iraq, Sergio Vieira de Mello ghuin khaw lah Iraq ghuin khaw ung ka UN ah k'chang gui mah ah k'chang m'ku-lei-goi (22) cuh shik ci gui ah kyak ci. A cun ung ka no, khaw kum k'hma (5) ng'lak na hleih UN-United Nations ng'bum no August k'cha (19) cuh World Humanitarian Day (WHD) ci neh a kum tä hleih bi vai ah tünbong neh k'hngüp a khät ah kyak ci.
https://bit.ly/3QQXKJT

Add new comment

1 + 3 =