Dominican bawiphaya k'thai.

M'tung k'cho khaw, m'Kui-Im-Nu mang-go ung ah Rev. Fr. Francis Bu Ling lah Kayah khaw, Loikaw diocese ung ka Rev.Fr.Peter Sha Re cuh bawiphaya (priestly ordination) gah ci goi ah kyak ci.

March k'cha (21) k'hngüp ung Japan ghuin khaw ung om ca Fukuoka Cathedral phayakyong ah Dominican bawiphaya ng'toi ung k'khanpughi ah bi bi tuh ci goi, m'va khaw ung ka Rev. Fr. Francis Bu Ling lah Rev.Fr.Peter Sha Re cuh (ordination) gah ci goi ah kyak ci.

M'tung k'cho khaw ung Dominican bawiphaya gui a van a ng'don ah cuh k'hma (5) lo lok ca kyak ci. Mindat mang-go ung ka k'thum (3) lah M'kui-Im-Nu mang-go k'thai ung ka k'hngih (2) ah kyak ci.

Dominican bawiphaya ng'toi cuh (Order of Preachers) ciah a mi chü ah kya neh ngami gui no a k'tung pi ah a mi bi loh ah ma mong cuh k'khanpughi ah ng'tu k'ni pyei k'hlak nak ah kyak ci.