Indonesia ghuin khaw ah ka a ng'vai hta lah Papaahangpughnag Francis ng'hngük ci goi.

Indonesia ghuin khaw ung ka pa-hta lam täng ah khong bang ca a ng'vai hta (the Minister of Religion of Indonesia) Yaqut Cholil Qoumas cuh June k'cha a k'cheit nak (8), Wednesday k'hngüp ung Vatican ghuin khaw ah hteit neh Papashangpughang on ng'hnguk ci goi ah kyak ci.

A cun ah Yaqut Cholil Qoumas (the Minister of Religion of Indonesia) Vatican ah a hteh cuh Indonesia ghuin khaw ah Papashangpughang a om tu vai ah Indonesia ghuin khaw ung ka a ng'vai hta no a chü phung tu ah a mong cun phih m'htin ca kyak ci.

Yaqut Cholil Qoumas (the Minister of Religion of Indonesia) no Papashangpughang on a ning ng'hnguh cuh a kya ah bä khäk nak tumat ah kya ci ciah pyein ci.

(the Minister of Religion of Indonesia) Yaqut Cholil Qoumas Vatican ghuin khaw ah a hteh ah mong cuh, Indonesia ghuin khaw ung a ng'vai hta President Joko Widodo no Papashangpughang a om tu vai ah a chü thän tu ah mong a m'thein vai, Indonesia ghuin khaw ung om ca k'tai güi mang ni, bawiphaya gui lah pa-hta k'chang gui cuh Papahshangpuhgang on ät u neh a ni ka vai ah k'tai güi pei ci gui ah a mong lah, Islamic ng'bum ung ka a ng'vai hta ( the chairman of the largest Islamic organization in the world) Nahdlatul Ulama, Yahya Cholil Staquf on Papashangpughang Francis a täng ah a ni hnguh vai ah phäh ah kyak ci ciah pyein ci.

A cun ah Indonesia ghuin khaw ung ka pa-hta lam täng ah khong bang ca a ng'vai hta (the Minister of Religion of Indonesia) Yaqut Cholil Qoumas cuh June k'cha (7) k'hngüp ung Vatican khaw ah hteit neh Indonesia ghuin khaw ah ka Vatican ghuin khaw, Rome Mang-go ah om tuk ci gui on phih ng'hngük ci gui ah kyak ci.

A cun ah a mi ng'hngüh cuh Vatican khaw ung om ca Indonesian Embassy no khong bang hleih, bawiphaya ni, maamah gui ni, kyong kai ci gui lah bi bik ca k'chang gui on ng'hngük ci gui ah kyak ca kyak ci.

Indoneisa ghuin khaw ah 1970, December k'cha ung Papashangpughang Pope Paul VI lah 1989 kum, October k'cha ung  Papashangpughang Pope John Paul II cuh hteit man ci gui ah kyak ci.

Indonesia ghin khaw ung cuh k'chang gui (270 million) a mi on nak ung Muslim gui cuh daa tu ba ci gui ah kya neh Catholic gui cuh eight million vai om tuk ci gui ah kyak ci.

https://bit.ly/3Q7NP2q