K'chang a k'daa no Nu Maria m'hlüm tai ci gui.

May k'cha (12) k'hngüp, Portugal ghuin khaw, Fatima mang-go ah Nu Maria ah poi a mi bi nak ung pha-yong-tai (candlelight) m'dei neh Nu Maria a mi m'hlüm tai nak ung (200 thousand)  ah tah da tu ba ca k'chang gui  (devotees) no Nu Maria m'hlüm tai ci gui ah kyak ci.

Ghuin khaw gui (23) ung ka k'chang gui (200000) vai cuh (Cova da Iria) ung ng'bum lo u neh (Our Lady of Fatima) ah poi a mi bi nak ung pha-yong-tai m'dei neh ng'nong neh hteih neh (candlelight procession) Nu Maria m'hlüm tai khai gui ah ng'bum ci gui ci ah pyein ci gui.

A cun ah a mi ng'bum neh a mi k'tai güi nak ung k'tai güi mang Archbishop Edgar Peña Parra no khong bang hleih a kum tä hleih a mi bi hti ah Nu Maria ah poi ( the annual pilgrimage) cuh bik ci gui ciah pyein ci gui.

Covid-19 lei a hlo kang ah phäh ah khawkum goi a ng'lak nak kon ah tuh shu kum (2022) kum ung khaw m'dek pum ung ka k'chang gui a daa cuh lo u neh Nu Maria m'hlüm tai khai gui ah ng'bum-bä lok ci gui ah kyak ci.

A cun ah ng'bum-bäi neh a mi k'tai güi nak ung Ukraine ghuin khaw ung dim kyäp nak a om vai ah phäh ah phih büceng neh k'tai gü ci gui ah kyak ci.

Papashangpughang no phih a shin ah na mi ng'bum-bä ci gui ah k'chang gui a van on ät yop neh khaw m'dek pum ung dim kyäp nak a om vai ah, mik mi gui a van a na hta-hta gui vai hlü ah na ghung na m'htei gui ca Nu Maria on mi m'ap ko ciah pyin ca kyak ci.

Tuh shu-kum,May k'cha (13) nak cuh (Francisco and Jacinta Marto) on Nu Maria no a müi m'dang goi neh kat nak gui ah phäh ah ng'yu-ng'yon ba vai ah a m'thein goi on (canonization) ciah bä ca k'chang goi ah a mi k'bä nak khaw kum a k'hma vei nak (the fifth anniversary) ah phih kyak ci ciah pyin ci gui.

https://bit.ly/3yye7Ve