Korea ghuin khaw ung shik ci gui lah lem-bai ci gui ah phäh ah a mi k'tai-güi pe ah among.

South Korea ghuin khaw ung Helloween poi a mi bi nak ung shik ci gui ah k'kyong khui ni, teh pui paw k'chang gui a phäh ah Korea ghuin khaw ung om ca Catholic ahtin-taw ng'bum no nga mi gui on ät pui gui ca pyein ci.

October k'ca 29 nak, Saturday k'hngüp ung Korea ghuin khaw ung om ca Seoul mang-go ung a ng'ming thang ca Itaewon ung Halloween poi a mi bi nak ung k'chang gui a thet aih hlu ah k'chang a k'daa shik ca kyak ci.

A k'kyen pi ah k'chang 154 shi neh, k'chang 149 cuh a k'nui ah lem-bai ci gui ah kyak ci. 

A cun ah shik ca k'chang gui ung ka, a hei ghuin khaw gha-lei-goi ung ka k'chang gui phi pa tuk ci gui ciah pyein ci gui.

A cun ah shi-kyu neh, lem-bai ci gui ah k'chang gui ah phäh ah k'khanpughi ah k'chü-m'gein nak a mi gah tu vai lah, thüi-hlei neh k'poih ba ci guia k'kyong-khui gui ka vai ah Korea ghuin khaw ung om ca Catholic ahtin-taw ng'bum no ning k'tai-güi ciah Bawiphaya  Father Chul Soo Lee (Secretary General of the Catholic Church of Korea) no pyein ca kyak ci.