(Lent) Mät no mät ng'pyang-tham ba neh ghün om vai.

(Lent) ci neh pyein ah Kyün-hloi cuh (fasting and repentance) kat nak gui ah phäh ah ng'yu ng'yon ba neh, mät no mät pyan tham ba neh Bawiyeisu ah ghün lo nak ba (Easter) poi ung chin k'kaa hleih bi tu hing vai ah phäh ah kyak ci ciah Christian ph-hta gui no mi yum ah kyak ci.

(Lent) ci neh pyein ah Kyün-hloi nak cuh (Ash Wednesday) k'hngüp ung ka no tün neh Easter poi a gok ah chüt ah k'hngüp phli-kip (40) sho ci ah kyak ci.

Kyün-hloi nak (lenten season) ci cuh ei awk gui hloi hlak neh, k'tai-güi neh, ng'khai nak on paw k'chang gui gung tot tu gui hlu ah mät no mät ng'shi-k'ca nak ba (self-examination), kat nak gui ah phäh ah ng'yu ng'yon nak ba lah k'khanpughi lah paw k'chang gui on ng'khong ng'gei nak a k'thai ah pyan tham nak ba vai (the renewal of our relationship with one another) ah a ching (time) ah kyak ci.

(Repentance) Kat nak gui ah phäh ah ng'yu ng'yon nak ba: Mik mi k'chang gui a van cuh kat nak mi bi ca kyak ci. A cun ah mi k'chü-k'ko, mi om kha, mi ng'ngaih tüh gui on mi kat nak gui ah phäh ah mi thü-hlei, mi ng'yu-ng'yon ba neh ngoi ah kat nak kä bi en ba bai ah k'khanpughi ah k'tha-gui (grace) mi shang neh a k'ni lam täng ah mi ghün om vai ah phäha ah kyak ci.

(Renewal) a k'thai ah ghün om nak ba: na a ghün om nak gui cuh ng'ngaih tüh ba neh mät no mät ng'shi-k'ca ba neh k'khanpughi no a na peit gui ah bä-khäk nak gui (grace) on hlüng-tai bä khäk neh a k'ni lam täng ah ghün om hing vai ah phäh ah kyak ci.

(Reconciliation) k'khanpughi lah paw k'chang gui on dim-gei hleih om nak ba: k'khanpughi mi hma-kat nak gui ni, mi paw k'chang gui on kä mi ng'khong-gei nak gui a om hte ah kya ung tumat no tumat ah kat k'phon tu ba hleih (forgiveness) m'lung k'uih gui nong ghüt yop neh mät no mät ng'pyang-tham ba neh om vai ah phäh ah kyak ci.

https://bit.ly/35JN8ty