Mindat mang go ung kä täng ci ah yum nak gui

  Yum nak gui kä täng hleih phi ngkhawk gei neh om ah Mindat mang go. Shin ah Mindat mang go ung mi yum nak gui kä täng tu pang lang hlei phi a kawng ät tha ah mi om cia kya ci. Mi yum nak gui ngcuh ngcang neh mi om ah ta tumat ah yum nak tumat naw mhtein tu hlei mi om ah amawng cuh pyein hlak guk hten ah kya ci. Shin ah ngshi ca nak ung Pu Ngthang Khaw Gei naw Putapatha ung yum nak gui cuh a pyein ah kya ci. Shin ah pyein hlak nak cuh Putapatha ung ami pyein ah "Thatu" ci cuh bä ci ni ci nei ci neh mhlüm tai ah kya ci ci neh na mthein tu ba gui ci. 

  A tung pi ah mi Kcho khaw cuh Putapatha la Khriyang gui ni pughipa gui ah ami yum law nak gui yum u neh mi om cia kya ci. Cun ah yum nak gui da tu pang lang hleh phi tumat la tumat  ah yum nak gui cuh mtein tu ba u neh mi om vai ah kin law ci.