Papashangpughang Francis Bahrain ghuin khaw ah k'hngüp k'thum a om ah mong.

Bahrain ghuin khaw a ng'vai hta King Hamad bin Isa Al Khalifa no a chüi phong hleih, Papashangpughang Francis cuh Novenber k'cha a k'thunm nak 3 ung ka no a k'chuk nak 4 chüt hleih Bahrain ghuin khaw ah hteit ca kyak ci.

A cun Bahrain ghuin khaw ah a hteih yah ung, November k'cha a k'phli k'hngüp ung, “East and West for Human Coexistence” ciah mong lam on (the Bahrain Forum for Dialogue) ciah a mi ng'shui ng'yei nak ung ng'thu pyein ca kyak ci.

Papashangpughang Francis cuh, ghuin khaw gui ung (Apostolic Journey) a hteih ton nak 39 nak vei nak ah kyak ca Bahrain ghuiin khaw ah a hteh yah ung, ghuin khaw ung om ca Christians guin on ng'hngu u neh pa-hta gui tumat lah tumat ng'thung-hta neh dim gei hleih ghün om vai ciah m'thein m'kan gui ca kyak ci.

Papashangpughang Francis cuh Bahrain guin khaw ung ca Muslim Council ung ka a ng'vai hta gui on phi ng'hngu u neh, pa-hta gui ät neh ng'shui ng'yei nak lah dim kyäp nak a om vai a k'tai güi nak cun phih (Our Lady of Arabia Cathedral at Awali) ung bik ci gui ah kyak ci.

2022 kum, November k'cha a k'hma nak (5), Saturday k'hngüp, kho hngoi täng ah k'hngi m'chin 8:30 ung  Bahrain National Stadium ung ah Papashangpughang Francis no Mass gän ap ca kyak ci.

Bahrain ghuin khaw ung cuh k'chang 1.5 million om ci gui ah kya neh, Catholic pa-hta k'chang cuh 161,000 vai om ci gui ah kyak ci. Bahrain guin khaw pum ung Catholic phayakyong ng'hngih (2) om neh, bawiphaya cuh m'ku (20) om ca kyak ci.