Papashangpughang Francis India ghuin kho lah a hei ung ah a teh vai ah a mong.

Papashangpughang Francis no Sudan ghuin khaw ah ka no, Rome khaw ah a teh nak ba lam ah, cüiong bi loh ci gui no a mi ng'shi ca nak ung 2024 kum ung, India ghuin khaw ah teit khai ah pyein ci.

August k'cha ung Portugal ghuin khaw ah World Youth Day a om nak ah teit neh, Septemper k'cha 23 ung France ghuin khaw ung ka k'tai güi mang gui a mi ng'bum nak ung  (Mediterranean bishops in Marseille) teit khai ah pyein ca kyak ci.

Cun ung ka no, France guin khaw ung ka no, Mongolia ghuin khaw ah teit khai ah phih pyein ca kyak ci.

2021 kum, October k'cha ung, India guin khaw khong bang ca a ng'vai ta (Prime Minister Narendra Modi) no Vatican ah a teh yah ung. Papashangpughang India ghuin khaw ah a om tu vai ah chüi tu pi ca kyak ci.

India ghuin khaw ah Papashangpughang John Paul cuh a k'hngu pi ah teit man ca kyak ci.