Yum nak gui ah mong lam.

Tuh ngoi May k'cha a k'chuk k'hngüp (6) cuh Buddah phaya ah ng'tüi nak ah k'hngüp ah kya hleih khaw m'dek k'khan pum ung om ca Budah yum cu gui on Vatican ung ka no Buddah phaya ah ng'tüi nak k'hngüp a k'bäi nak ah ca gu neh m'khäh gui ca kyak ci.
A cun ah ca a guk nak ung "ng'ngaih u nak on be ca phoin nak ung Bukdah gui lah Christian gui a täng ah ng'düih thoh ghom vai" ciah guk ca kyak ci ciah Vatican ung a ng'vai hta goi ah kyak ca Cardinal Minguel Angel Ayuso Guixot lah Monsignor Indunil Janakaratne Kodithuwakku Kankanamalage no pyein ci gui ah kyak ci.
Bukdah phaya ah a ng'tüi nak, a shih nak lah a k'khang a gah nak ah k'hngüp cuh khaw m'dek pum ung ghuin kaw phäh phäh ah poi a mi bi gui cuh kä täng ci ciah pyein ci gui.
"Teh pui paw k'chang gui ah phäh ah ni bä ca "Vesakh" poi ah kya hlä, ng'ngaih u nak on be ca ghün om neh tuh chüi k'chang gui no a mi awt ah yai ca gein vai nak gui phih gung tot neh na mi ng'bi nak gui ng'lhoi ng'hlak hlä" ciah ca m'khäh gui ca kyak ci.
A shin na hlo ah Vesakh poi ung ca gu neh a m'khäh nak hti cuh kum (25) phlän lo pui ca kyak neh a cun ah hlo ah Ramadan poi lah Tewali poi ung phih Vaticn ung ka no ca gu neh m'khäh gui hti ca kyak ci.