Hti Theing ca Muh k'khanpughi ah poi kyün k'hngüp.

Yohan 20:19-23

19 Khòkhngǘp kchüih ungka a khtük khngǘp mǜhngün ah Judeu kchààng gùi ami kyüh u ne a hluläk gùi cu ami omnák ah im kshoh khai ne ng’ǜng ci gùi. Yèisu cu lo ne ngami ah nglùng ah ngdǘi neta “Dììmkyäpnák no ning ompüi gùi hlä,” ci ci. 20 Cun ah pyéin neta a kut goi lah a vé cu khmuh tu gùi ci. A hluläk gùi no phih Bói cu hngu lo u ne a kya ah yèi tu ci gùi. 21 Lèng ba ne Yèisu no “Nangmi gùi ung dììmkyäpnák om hlä. Pá no kei cu a na tüih ah hlo ah kei no ka ning tǜi gùi ci,” ci ci. 22 Ngami gùi ah kkhaan ah muh ne “Htíthéing ca Muh cu gah vä. 23 Nangmi gùi no kat nami mhlòòt péit gùi ung lòt khai gùi. Kat nami tang péit gùi lä́i cu a cu ngtang ah kat ung om khai gùi,” ci ne Yèisu no pyéin ci.