Pashcal a'k'chüih vei nak (7) kyün k'hngüp

Yohan 17:20-26
20 A shin gui kah vai bäng ah kä kya ci. Nangmi ah m'cäimtheinak on kei na yum lo khai gui kah vai mah ah ka shaang ci. 21 Ka shaang ci, Pa aw, nang cuh kei ung kei cuh nang ung, ni ät ah hlo ah nihmi ung ngami ät u neh kei na tüih lo ah a moong, khhomdek no a yum vai ah kya ci. 22 Ni ät ah hlo ah a mi ät yop vai ah na bäthangnak na peit cu ka peit tu ba gui. 23 Nang no na tüih lo lah kei na m'hni ah hlo ah ngami na m'hni gui ah a moong cuh khomdek no a hmat lo vai ah phäh ah kei ngami ung nang mah ah kei ung om ne ät yop u hlä. 24 Pa o, khomdek kä om pha ung na m'hni pyi ci ah kya hleih na peit ah bäthangnak a mi hnguh vai ah na mshäm gui cu ka omnak ung ami om vai ka ngyahlü ci. 25 Cang ci ah Pa o, khomdek no kä ning hmat ci. Kei no ka ning hmat ci. Kei na tüih lo cun phih shin gui no hmat pyi ci gui. 26 Na mhninak ngami ung a om vai lah kei phih nga mi ung ka om vai ah na ngmingka hmat hlak gui pyi. Kdäih ne phih ka hmat hlak gui khai," ci ne pyein ci.