Tuh chü kya ci gui hngut hmat thei vai

Kchang ngbuum am pyein ne "Khngikyak täng ah ngmei kai lo hleih hngu u ne a kten ah kho aa lo khai ci u ci hleih a cun ah kya lo ci. Hai täng aka kho a kkhi lo ung kho hlo khai ci u ci hleih a cun bä ah kya ci. Kchang ngshei gui o, nangmi no kkhanmopi lah khomdek ah müihmai nami mcha vai nami hmat ci. A tuhchü yah läi a i ah kya hleih kä nami kshing ci ang.

Cang ci cu nangmi no a i ah kya hleih kä nami mkhoimcha ci ang. Na ga on shangpughang ah nani htein yah ung, lam ah ani ungka na phyon vai ah na cii vai. Kä cun ung yung Boi ah ning ap khai. Yung Boi no thoong boi am ning ap hleih thoong boi no thoong ung ning chum khai.

Nang am ka pyein cu "Avan hlinghling ah kä na ngloh pha ung cun ungka kä na lut lo ba khai."