Kat bi ci ah phäi- naü m'cäi vai among

Kat bi ci m'cäi vai

15 Na Phäi-nàü nawh a ning katnák-ung, hteit neh nani mät bäng ng’hnguh ni neh na m’cäi vai. Na k’chü a ’ngaih-ung, na phäi-nàü na gah ci. 16 Na k’chü kä ’ngaih ung k’hngih k’thum nawh hmat tu hleih nak ’chü a càng vai-ah, k’chàng tumat k’hngih na chü vai. 17 Ngamí phih kä ’ngài gùi ci-ah a kia ung zùm-tu ng’bum-àm, na m’thein vai. Zùm-tu ng’bum phih kä ’ngaih ung ani cuh, k’chàng hei, k’phlám lók-ah na ng’ngaih vai.

18 Nangmi-àm a k’càng-ah ka piéin cuh, m’dek ’khãn-ah nangmí nawh nami chih-khón phùng, Khãnmòpí-ah phih chih-khón-ah kia khai. m’Dek ’khãn-ah nami k’phián chah gùi phung, Khãnmòpí-ah phih ng’phiàn ng’chah neh om khai gùi.

Ät neh k’tài-günák. (Jn-15:7,16)

19 Nangmí àm, ka piéin bà mä cuh m’dek’khãn-ah a i pang-tah k’hngih k’thum ng’gèi ät neh nami san ung Khãnmòpí-ah ka Pá nawh ning pe gùi khai. 20 A i-ah kia hleih ci ung kei-ah ng’ming awn k’chàng k’hngih boh, k’thùm boh ami ng’bum ung ami ng’lùng-ah kei ka om khai,” ci ci.