A kshi gui ungka ghün lo ba vai ah moong

32th Kyün khngüp ung ngyak vai ah ngthukni

Luke 20: 27-38

Ghün lo ba vai cu kä yum ci gui a mshah bo k'et ne Boi ami ngshi cu 'Boi o, a kchu om ci cu a hta kä om hleih a shih ung, ana no kchuna tu ba ne a kkhui a mshoon peit vai ci ne Moses no keimi kah vai a guk om ci. Ngphäingna kchüih om ci. A khtük cu kchumah ne kä htana tu ah shi ci. Hmeinu cu a khngihnak, a kthumnak ung leng ne a kchüihnak ah chüt hleih avan no kchuna tu ba u ne kä hta ah shi yop ci gui. A khngu ah khnguumi phih shi ci. cun ah kya hleih ghün lo ba khngüp, ngami gui ungka a u ah kchu ah kya khai ang. A i ah kya hleih cii ung, avan kchüih no kchuna te ci gui ah kya ci.

Yeisu no ngami am pyein ba ne " Shin ah khomdek khaan ah kchang gui cuh kchuceimah ci gui. Shihnak ungka tho lo ba ci gui lah khaankho ah kai khai ah kbäi gui tah kä kchuceimah ba ci gui. A i ah kya hleih ci ung, ngmi cu kä shi ba hnging ci gui ah kya ci. Khanhtapup gui on täng u ne khanpughi ah hta ah kya ci gui, ghün lonak ba ah hta gui ah kya ci gui. A kshi gui ami ghün lo ba vai ah moong cu kbup ungka ah moong pyein ce "Boi cu Abraham ah khanpughi, Isaac ah Khanpughi, Yakuk ah Khanpughi," ci ne ngchünak ung Moses mät no mdang ci. Khanpughi cu a kshi gui ah khanpughi ah kya ci. Avan cu ani ung ghüng ci gui.