April k'cha (22) k'hngüp cuh International Mother Earth Day ciah UN k'bum no a khät ah kyak ci.

April k'cha (22) k'hngüp cuh (International Mohter Earth Day) ciah mi om nak ah khaw m'dek ah k'hngüp ci neh (UN) United Nations General Assembly ng'bum no kum (2009) ung tün neh k'hngüp a khät ah kyak ci.
Tuh shu kum (2022) ung mi om nak ah khaw m'dek ah k'hngüp ah phäh ah (theme) lä cuh "Invest in Our Planet" ciah khaw m'dek m'htei neh bi loh nak ung m'lung k'tha gui m'chüh neh bi loh vai ciah kyak ci.
UN k'bum no 1972 kum ung Stockholm khaw ung (Conference on Human Environment) a bi nak ung ka no tün neh khaw m'dek lah k'chang gui cuh m'cha neh kä gah vai ah kya hleih mi om nak ka khaw m'dek lah khaw m'dek k'khan ah om ca a hngun-k'ghüng gui päng mi m'htei vai ah büceng neh Jun k'cha (5) k'hngüp ung World Environment Day ciah k'hngüp khät neh UN Environment Program gui cuh phih bik ca kyak ci.
UNk' bum no i ah kya hleih ang "Mother Earth" ci neh a pyein ci ung a shin ah khaw m'dek ung k'chang gui ni, a hngun-k'ghing gui a van cu mi ghing om ca kya hleih Mother Earth ci neh a pyein ah kyak ci.
Shin ah Mother Earth Day k'hngüp a mi khät ah a mi büceng nak cuh k'chang päng van no mi om nak ah khaw m'dek kä di dam en khai ah mi ghuin, mi m'htei vai ah phäh ah kyak ci.

Add new comment

10 + 0 =